ዜና ዜና

እሰከ ነሃሴ መጨረሻ ድረስ የእርቀ ሰላም ጉባኤ ሊካሄድ ነው

የኢትዮዽያውያን ሁሉን አቀፍ ብሄራዊ መግባባት ዓለማቀፍ አስተባባሪ ኮሚቴ ዛሬ በሰጠው መግለጫ እሰከ ነሃሴ መጨረሻ ድረስ የእርቀ ሰላም ጉባኤ ሊያካሄድ መሆኑን አስታወቀ፡፡

አስተባባሪ ኮሚቴው የእርቀ ሰላምና የመደመር ህዝባዊ ጥሪ ለሚታሰበው ሰላማዊ ትግልም አጠናካሪ ሆኖ አግኝተነዋል ብሏል።

በመግለጫውም ለብሄራዊ መግባባትና እርቀ ሰላም ላይ ጽኑ እምነት ያላቸው ሁሉ ኮሚቴው በሚያዘጋጀው እስከ ነሃሴ 2010 መጨረሻ ድረስ ተግባራዊ በሚደረገው ጉባኤ ላይ ተሳታፊ እንዲሆኑ ጥሪ አቅርቧል።

ኮሚቴው ገዢው ፓርቲን ጨምሮ የሀይማኖት ተቋማትና የሲቪክና ሙያ ማህበራት እንዲሁም ዓለማቀፍ የዲፕሎማሲ ማህበረሰብ በዚሁ የእርቀ ሰላም ጉባኤ ላይ እንዲሳተፉ ጥሪ አቅርቧል።

የመንግስት የይቅርታ የመፈቃቀር የመግባባትና የመደመር ህዝባዊ ጥሪ ለዲሞክራሲ ስርዓት ግንበታው አስፈላጊ መሆኑን ተፎካካሪ ፓርቲዎች ገለጸዋል።

በዶክተር አብይ የተመራው የመንግስት የዲሞክራሲ መስፋት እርምጃም ወሳኝ መሆኑንና ድጋፍ እንደሚያስፈልገው ኮሚቴው አስምሮበታል።

ኮሚቴው 5 የሀገር ውስጥና 6 የውጭ ተፎካካሪ የፖለቲካ ፓርቲዎች ያቋቋሙት ነው ተብሏል፡፡

ሐምሌ 2፣ 2010 (ኤፍቢሲ)