ዜና ዜና

ጠ/ሚ ዶ/ር አብይ የኢትዮጵያን ፓለቲካ ለመለወጥ የሄዱበት ርቀት የሚደነቅ ነው-ከፍተኛ የአሜሪካ ዲፕሎማት

 

የኢፌዴሪ ጠቅላይ ሚኒስትር ዶክተር አብይ አህመድ እየወሰዱት ያለው እርምጃ የኢትዮጵያን ፓለቲካ ምህዳር እያሰፋ መሆኑንና ለዚህም አድናቆት እንደሚገባቸው በአሜሪካ ውጭ ጉዳይ መስሪያ ቤት የአፍሪካ ጉዳዮች ረዳት ሀላፊ ቲቦር ናገይ አስታወቁ።

ዲፕሎማቱ የ42 ዓመቱ የኢትዮጵያ ጠቅላይ ሚንስትር ዶክተር አብይ ወደ ሀላፊነት ከመጡበት ጊዜ ጀምሮ በርካታ ስኬቶችን እንዳስመዘገቡ ገልፀዋል።

ጠቅላይ ሚኒስትር ዶክተር አብይ መሰረታዊ ለውጥ እንዳመጡ ያስታወቁት ቲቦር ናገይ ላመጡት ለውጥ ከፍተኛ አድናቆት እንደሚገባቸውና ለበርካታ ችግሮች መፍትሄ ማምጣት እንደቻሉ ጠቁመዋል።።

በኢትዮያና በኤርትራ መካከል ባለፉት 20 ዓመታት የነበሩ ችግሮችን በሰላም ለመፍታት ጠቅላይ ሚኒስትሩ የሰሩትን ስራ ዲፕሎማቱ ያደነቁ ሲሆን፥ ይህም የሀገሪቱ ፓለቲካ ቅርፅ እንዲለወጥ ያስቻለ ነው ብለዋል።

ዲፕሎማቱ ጠቅላይ ሚኒስትር ዶክተር አብይ የሲቪክ ማህበራት ማሻሻያ ተግባራዊ በማድረግና ልዩነት ያላቸውን አካላት በመጋበዝ የሀገሪቱን ፖለቲካዊ ምህዳር ለማስፋት ብዙ ርቀት መራመዳቸውን ተናግረዋል በማለት አፍሪካኒውስን በመረጃነት ጠቅሶ ኤፍ.ቢ.ሲ ዘግቦታል።

አዲስ አበባ፣ መስከረም 4፣ 2011