ዜና ዜና

የአማራ ክልል ልዑካን ወደ አስመራ አቅንተው ከፕሬዚዳንት ኢሳያስ ጋር ተወያዩ

 

የአማራ ክልል ልዑካን ወደ አስመራ አቅንተው ከፕሬዚዳንት ኢሳያስ አፈወርቂ ጋር ተወያዩ፡፡

ልዑካን ቡድኑ በክልሉ ምክርቤት አፈ ጉባኤ ወይዘሮ ወርቅሰሙ ማሞ እንደተመራም ተገልጿል፡፡

በቆይታቸውም ሁለቱ ሀገራት የጀመሩትን የሁለትዮሽ ግንኙነት ለማጠናከር የአማራ ክልል የተወሰነ ርቀት እንደተጓዘ ገልጾ፤ምክር ቤቱ ያለውን ልምድ እንደሚያካፍልም ተናግሯል፡፡

በውይይታቸውም ምክር ቤቱ ሁለቱ ሀገራት የጀመሩትን ግንኙነት አድንቋል፡፡

የተጀመረውን ግንኙነት ለማጠናከርም ሁለቱም አካላት በጋራ እንደሚሰሩም አስታውቀዋል፡፡

የአማራ ክልል ምክር ቤት ልዑካን ቡድን ለፕሬዝዳንት ኢሳያስ አፈወርቂ ስጦታም ማበርክታቸው ተነግሯል፡፡

በምክር ቤት አፈ ጉባዔ የሚመራ የሃይማኖት አባቶችን ያካተተ ልዑክ ወደ ኤርትራ ያቀናው የሁለቱን ሀገራት የህዝብ ለህዝብ ግንኙነትና ትስስርን ለማጠናከር ነው ተብሏል፡፡

መስከረም 4፣ 2011 (የአማራ መገናኛ ብዙኀን)